قاتل متسلسل

 قصة قيرة بعنوان قاتل متسلسل


قاتل متسلسل


من 3 سنين كنت محجوز فى مستشفى و طلعت من شهر واحد بس .. هكدب عليكم لو قلت انى فاكر تفاصيل حياتى اللى قبل كدة .. لما خرجت اشتغلت هنا فى ورشة ل غسيل سيارات .. الورشة فى مكان مهجور قريب من الطريق السريع .. شغلة مش بطالة و الفلوس بتاعتها كمان مش وحشة .... من 3 أيام لقينا شخص مرمى قدام الورشة و سايل فى دمه ...

 شيلت الشخص دة و خدناه ب العربية على أقرب مستشفى لنا .. لكن على ما وصلنا كان خلاص مات ... حاسس ان فى حاجة غريبة فى الورشة اللى شغال فيها .. مش عارف !! بس أوقات بسمع صوت حاجات مش فاهمها ... كنت بسمع صوت شخص ماشى برة الأوضة و لما كنت بطلع اشوف مين .. ملقيش حد ... الحقيقة كنت بقلق .. كنت بقلق من مجهول مش عارف هو ايه .. و انا داخل أوضة الجراش اللى فى الورشة لقيت خالد زميلى فى الشغل واقع فى الأرض و سكينة قاطعة رقبته .. و الدم موجود فى كل حتة فى الجراش .. جريت اتصلت ب الاسعاف .. لكن .. لكن إسعاف ايه خالد كان بالفعل مات .. رجعت فى اليوم دة البيت بعد ما مريت ب أسوأ تجربة فى حياتى .. تجربة انى امسك ب ايدى لأول مرة شخص مقتول ... تجربة انى أحس ب القلق للدرجة دى ..
 و أنا ببص عندى فى البيت لقيت موجود فى درج المكتب جرايد كتير قديمة أول مرة اشوفها ... فتحت جريدة منهم عمرها حوالى 4 سنين لقيت مكتوب فيها / القبض على قاتل متسلسل و بعد فحصه وجدو بأنه يعانى من انفصام ف الشخصية فلا يعلم اى شئ مما فعل بل و الاكثر من ذلك أنه حين يقتل يشعر و كآن شخصا ما يهدده و ليس العكس .. تم بالأمس ترحيله إلى مستشفى الأمراض النفسية و العصبية / كان موجود مع الكلام دة صورة .. الصورة دى كانت .. صورتى .
بقلم / مصطفى أبوضيف
قاتل متسلسل Reviewed by abn diala on 1/16/2018 12:13:00 ص Rating: 5

ليست هناك تعليقات: